Pedals d’Occitània ei un recorregut de 227 km e 6000 mètres de desnivèu positiu acumulat. Practicament tot eth recorregut transcor per camins, eth 100 % ciclables.
Era trauèsse que vos prepausam, er itinerari demore repartit es etapes a posita de quasi toti d'uns 50 kms jornalièrs de mejana:
Er inici deth recorregut ei ath burèu de Pedals d’Occitània de Vielha. D'aquiu iniciaram eth recorregut era direccion nòrd, cap ath Baish Aran, açò s'en tot passar per Vilamòs. Dempús afrontaram eth prumèr gran còth dera trauèssa eth Pòrt deth Portilhon, punt que servirà a entrar en França. D’ací iniciaram era descenuda entà arribar en Bagnères de Luchon, punt a on començaram l’inici deth pòrt mès long e punt mès naut dera trauèssa, Pòrt de Paloumères, que mos servirà a entrar ena val dera Barousse, era val damb mès cèrvols d’Euròpa. Dempús d’ua descenuda extraordinària e atravessant diferenti petiti pòbles encantadors, arribaram en Castèth des Comdes de Comminges, laguens d’un marc medievau que mos condusirà enquia St. Bertrand De Comminges, pòble dominat pera sua extraordinària catedrala.
D’ací mos endintraram pera plana occitana, entà retornar vèrs eth sud pes cols de Buret e Menté, darrèr gran col dera trauèssa e servirà de nèxe d’union per uns quilomètres ath delà tornar a l’Aran e arribar de nau en Vielha tot en tot seguir es arribatges dera Garona.
Damb era inscripcion, vos serà liurat un libre rota damb ua descripcion detalhada der itinerari. S'auetz de besonh mès informacion, non dobtatz eth trucar a Pedals d’Occitània.